立法會帳委會尋日就私家醫院批地條款含糊不清展開公開聆訊，有議員引述審計報告，質疑政府以免地價或低地價方式同五間醫院簽訂地契時，無要求加入提供免費、低價病床等令市民受惠條款，衞生署亦無監管地契執行情況。
發展局局長陳茂波話，當局試過搵番審計報告講嗰啲文件出嚟，不過由於年代久遠，部門同事翻箱倒籠都搵唔到，所以唔可以解釋點解咁多間醫院可以唔使提供廉價床位。出席同一會議嘅地政總署署長甯漢豪亦全程以黑眼圈示人，唔知佢係咪有份幫手摷番啲文件出嚟，所以搞到無覺好瞓呢？
問吓前任食衞局局長周一鑊喇，前任政府留低咁多問題畀現任政府，或者佢知道喺邊呢！
