政情：公民講場：盛品儒 王維基愛恨交纏

亞洲電視執行董事盛品儒尋日再出奇招，話「聽聞」城市電訊主席王維基當年喺亞視任行政總裁嘅十二日，涉嫌盜取咗唔少機密資料，究竟佢喺邊度聽返嚟就唔知啦，但根據王維基傍晚開記招回應嘅版本，當日佢離開亞視應該相當瀟灑，仲不帶走一張白紙。咁回憶呢？究竟你有冇睇咗又記住一啲唔應該記嘅嘢先？王維基就冇正面回應，但佢強調申請新牌照根本就唔需要亞視嘅資料。王維基同亞視呢段只係持續咗十二日嘅關係，可謂錯綜複雜，拍得住電影《十二夜》男女主角之間嘅愛恨纏綿關係，但浮面嘅似乎係恨比愛多囉。