港區全國人大代表選舉戰況異常激烈，有意參選者尋日出席選舉會議時都企定定逐一同選民握手，想突圍而出要動動腦筋。好似南旋集團主席王庭聰就搵咗民建聯「孖寶」陳克勤同劉國勳幫手派發名片，場外就搵到喺電視劇《包青天》中飾演「展昭」嘅何家勁拉票，「展昭」旋風出現即時吸引好多選民埋身影相，「展昭」亦好識做直豎拇指推介王庭聰，呢個「明星效應」威力咪睇小！
