政情：不甘寂寞 民主阿婆(舌累)地

尋日舉行人大選舉會議，外號「民主阿婆」嘅前政務司司長陳方安生當然冇份參與啦，但唔知佢係咪不甘寂寞，一朝早就走咗去電台節目「抽水」，好似「八壇齋主」咁鬧呢個鬧嗰個，鬧完所有局長後，又鬧中央政策組首席顧問邵善波近日嘅言論令人搖頭嘆息喎。其實最令人搖頭嘆息嘅就係民主阿婆，晨咁早就喺大氣電波製造噪音，無非都係想引人注意吓佢啫！

民主阿婆嘅政治力量已經微乎其微，除咗泛民主派當佢透明外，連佢個「哎吔細佬」「貪曾」前特首曾蔭權爵士之前搞飯局都唔預佢，所以好難怪佢晨咁早鬧人吸引吓外界注意嘅。不過，民主阿婆嘅行為就似足早前喺上水港鐵站大堂拒絕職員查票而揼心口、碌晒地沙個女人咁，喺度大喊：「畀我死咗佢！畀我死咗佢！」以為地就有人理佢，但事實上所有人睬佢都傻。

第一手消息請下載on.cc東方互動iPhone/iPad/Android/Windows Phone Apps