政情：夜半敲門貪曾驚到震

本報尋日頭版獨家踢爆歐文龍八億世紀貪案仲有五個超級富豪仍未曝光，仲用五個黑影代表五個富豪。黑影見報後，全城都喺度猜測五個黑影係代表邊個，仲好想知道答案。不過，呢場大型猜謎遊戲嘅謎底幾時揭盅，就要睇吓廉政公署幾時做嘢喇，可惜本港廉署喺澳門呢單特大貪腐案件上，竟然翹埋手乜都唔做。

廣大讀者就話玩猜謎遊戲啫，但五個黑影當事人見到自己嘅黑影見報，仲唔嚇到魂飛魄散咩？不過，如果佢哋有事，同佢哋關係密切嘅「貪曾」曾蔭權一定冇得逍遙法外，話唔定五個黑影已拍門搵貪曾傾吓着草嘅大計，貪曾肯定有得震冇得瞓。話時話，貪曾咁鍾意坐私人飛機，唔知今次會坐邊個富豪嘅私人飛機着草呢？

第一手消息請下載on.cc東方互動iPhone/iPad/Android/Windows Phone Apps