政情：公民講場：死拗只輸一半鐵頭仁無賴

賭但又唔想輸可以點做？問民主黨何俊仁（鐵頭仁）啦！佢有秘技可以令你只輸一半。鐵頭仁當日選特首，點知無幻想過會贏嘅佢，選舉輸咗竟然向法庭提出選舉呈請，雖然之後呈請申請被駁回，但鐵頭仁就遲遲都唔肯主動撤回餘下嘅上訴。直到特首梁振英（CY）前日向高等法院申請剔除鐵頭仁嘅上訴後，苦思咗幾日嘅鐵頭仁先姍姍來遲提出撤回條件，至於鐵頭仁諗緊咩條件呢？原來係要拉埋CY落水，提出各付一半訟費先肯撤回上訴，明明輸咗都可以拗到只輸一半，真係仲衰格過投降輸一半，大家係咪覺得鐵頭仁好無賴呢？或者應該話佢係至尊無賴至啱！