英國廣播公司（BBC）信託主席彭定康（肥彭）九七回歸前，突然水鬼升城隍出任末代港督，隨即肆無忌憚喺香港搞風搞雨，中方官員對佢早有微言，好似時任港澳辦副主任陳佐洱早前喺新書中，狠批佢來港嘅目的係想成為香港過渡期最大嘅攪局者。大家以為肥彭返回英國後就一天光晒，殊不知佢露晒底，最近被揭掌管BBC失職，當地民調早前更顯示有近五成人要求佢辭職謝罪，就連香港網民都批評肥彭根本就係二、三線政客，難為佢被港人當係神咁拜，睇怕肥彭繼續厚顏賴死唔走，只會激發更多人作出聲討。
