審計署日前踢爆沙田仁安醫院將近半的地皮改建豪宅賺大錢，更將矛頭直指前任食物及衞生局局長周一嶽，炮轟佢任內監管私家醫院不力，醫療政策更一面倒向私院傾斜。無他嘅，佢有名你叫「每周一鑊」，任內事事唔嗲唔吊，一副官腔就想耍走香港市民，仲以為卸任後可以拍拍屁股走人，點知任內對私院嘅放任，始終都要自己受番。周一鑊卸任後冇晒在任時嘅優厚福利，唔知日後去睇醫生，會唔會懵盛盛去到求醫先發現醫院地皮，原來已經變咗做豪宅呢？
