小販隧道口擺檔冇碇行
「佢哋喺隧道口擺檔等於塞住個入口，賣生果又做線面，連整水喉都有，搞到想行都冇碇行！」天水圍居民楊先生表示，近日經常有小販於天澤商場對出隧道出入口擺賣，造成嚴重阻塞，要求政府部門加強打擊，保障居民利益。
食物環境衞生署發言人承認，過去一年曾接獲九宗相關投訴並作七宗拘控，接獲轉介後亦多次派員巡查上址，惟沒有發現無牌小販。發言人強調，根據《公眾衞生及市政條例》，任何人須領有有效小販牌照才可在街上擺賣，違者最高可被判罰款一萬元及監禁六個月。
不過，楊先生坦言對食環署的回應大表不滿，「都唔知係咪真係有人嚟巡，啲小販成日喺度擺檔，啲抽氣扇同水喉通直情放足廿四個鐘，就算見唔到小販都可以清咗啲雜物啦！」楊要求食環署加強巡查，保持通道暢通。