「貪曾」曾蔭權任內乜都唔做，畀人鬧係應該嘅，特首梁振英上台後又推長者生活津貼，又實施兩項辣招為樓市降溫，仍不斷畀人鬧，就真係唔多公道，就連港府喺電視、電台、報章同網上賣廣告推銷政策，都畀人質疑係濫用公帑鼓動民意。中央政策組首席顧問邵善波尋日出席一個電視台節目，就批評有關評論好滑稽，強調香港已變成一個選舉政治社會，政黨政客每日都利用傳媒同互聯網鼓動民意，政府唔還招，唔通只能夠坐喺度捱打？
