Party Life：有參行善

每席十萬港元嘅「人參夜宴」，早前喺四季酒店登場，請來米芝蓮三星名廚以人參入饌，「參」之魅力沒法擋，城中愛美之人又豈會錯過？齊體驗超豪韓國人參盛宴之旅。

另一邊廂，智行基金會喺The Mira舉行慈善籌款晚宴，大玩「L'Opera」主題，將宴會廳搖身變成充滿歐洲色彩嘅古典歌劇院，賓客盛裝出席，一晚籌得四百萬港元。

名媛顧紀筠注重養生，常飲滋潤湯水補身。	海洋公園保育基金主席陳晴（左），與觀瀾湖集團副主席朱鼎耀夫婦（中及右）各有活潑可愛嘅仔女，傾起湊仔經，分外投契。	見慣型男嘅名模周汶錡（左）遇上韓國人氣組合「神話」成員Jun Jin（右），依然目不斜視。
智行籌款 快將生日嘅千億新抱徐子淇（左）捐出六位數字旅遊開支行善，如此善心，電視台高層李桂蘭（右）都讚好。	恒基副主席李家誠（中）幾忙都撐太太做善事，社交名人周國豐（右）同太太黃泳霖（左）當然賞面支持。	著名大提琴家李垂誼以醉人琴音，為晚宴揭開序幕。
先施百貨家族後人馬天惠（中）計劃聖誕帶家人遊澳洲睇樹熊，韓國名媛蔡知廷（左）及公關公司執行總監黃慧琪（右）都戥佢開心。