免費電視牌照風波不絕，亞洲會尋日就喺報章刊登咗一個全版廣告，「上書」特首梁振英（CY）促政府否決增發免費電視牌照，廣告由亞洲電視「特約刊登」。為咗說服CY否決發牌，廣告仲搵「肥佬黎」黎智英做箭靶，狠批肥佬黎喺台灣個壹電視引發「港媒亂台」指摘，而經營失敗仲造成政治及社會問題添，意指擔心香港重蹈台灣覆轍。雖然肥佬黎被公認為搞事分子，但如果電視台本身節目有質素，又怕咩競爭呢？
