政情：梁君彥唔撐買家稅

特首梁振英一推出買家稅後，樓市當堂靜咗，都算係有效。不過唔係人人覺得有用，經民聯主席梁君彥尋日就話，政府實施買家稅後，都要再上立法會審批，佢哋唔一定會硬撐政府支持，因為商界有好多憂慮，擔心咁做會破壞香港嘅營商自由度喎。既然商界對買家稅咁擔心，咁大家就要睇吓到最尾投票時，經民聯嘅投票立場係贊成定反對喇。不過如果反對只係表態，對稅項通過無影響，咁經民聯反對吓都好嘅，好少可嘛。