上個星期可謂係「同志周」，星期三立法會先辯論完一項無法律約束力嘅同志平權議案，雖然議案遭否決，但星期六就再有幾千個同志上街遊行，而尋日再有一個論壇討論同志平權問題。同志組織主張立法保障佢哋免受歧視。不過有反對組織就反駁，論點包括公共衞生等「多方面」。
首位出櫃議員人民力量陳志全一聽到「公共衞生」，就即刻叫對方唔好將同性戀同肛交劃上等號。
