探射燈：「劏姐」唔易做「戲屎」畀人鬧

初來甫到的阿霞，不熟「門路」，初時站正檔口的「財位」，師傅芳姐即喝令：「你（阿霞）企埋一邊，飲湯啦！」阿霞乖乖照辦，又「有樣學樣」望着乾沙蟲大讚靚貨價平，怎知又招來芳姐訓示：「你唔好出聲，睇就得啦！」芳姐以專家口脗直斥阿霞「不入戲」、「做太着迹」。

阿霞惟有按指示默默飲湯，不再說話，此時芳姐又以「大家姐」身份教路：「你要當自己係客，話我都喺度買過呀，呢度平舖頭好多！」阿霞當時大感委屈，無論如何表現，都會被芳姐劣評「戲屎」。

「師傅話乜就做乜」

幸好，另一劏姐燕姐前來安慰她，「新嚟做，係咩都唔識，我初入行都畀人點咗去洗沙蟲，嚇得我！」另一劏姐Cindy也來幫口，「新入行要謙虛啲，師傅話乜就做乜，乜都話好，有啲師傅會好惡鬧人，鬧到你喊都有。」

不過，阿霞在擺檔期間，除了心靈受折磨外，腸胃亦不好過。阿霞當日在檔口喝下四、五杯免費贈飲的沙蟲湯，感到非常口渴，該煲混濁湯水，只有數塊雞件，其實是「味精水」。