食署縱清潔工 公地私用
食物環境衞生署縱容外判清潔工公地私用！「政府部門都唔係大晒，點解市民唔可以喺公眾地方擺嘢，政府部門就得？」黃先生家住沙田圍，不時發現崗背街行人天橋橋底充斥大量清潔用品及雜物，包括手推車、垃圾袋、發泡膠箱及膠樽等，數量更與日俱增，獲悉乃食環署清潔工存放，不滿部門知法犯法。
食環署發言人表示，接獲本報查詢後隨即派員巡查，發現潔淨服務承辦商將雜物及工具放置上址，惟現場衞生情況滿意。當局已發信警告潔淨服務承辦商，要求將清潔用品妥善儲存，而潔淨服務承辦商亦已遵從。
「呢排我再行過，都仲係見到佢哋繼續擺番晒啲雜物出嚟，畀警告信都解決唔到問題！」黃先生不滿政府部門處事因循，只顧檢控違規食肆，卻對外判承辦商違規情況視而不見。