領匯管球場冇顧上班族
房屋署將大部分屋邨商場出售予領匯時，一併將附建於商場的康體設施交予領匯管理。其中位於啟業邨停車場頂層的運動場僅朝九晚六開放，晚上的黃金時間卻長期丟空，被指浪費資源。領匯在本報轉介後急急糾正，將開放時間即時改為朝九晚九。關注團體狠斥領匯安排毫無理據，為削減管理成本而忽略巿民需要。
剛遷入啟業邨的阿明指邨內有一設備齊全的籃球場，早前擬於放工後約同好友切磋球技，但發現籃球場竟於晚上六時關場，「有乜理由只開朝九晚六，返工嘅都未返到屋企，學生都要三、四點先放學，打一陣就要走，咁個場開畀邊個用？」
設施簇新 晚上「鋪塵」
阿明又指場內照明設施簇新，卻因晚上場地不開放而「鋪塵」，「搞到啲燈好似拎嚟做裝飾咁！」阿明指晚上六至九時才是打工族做運動的黃金時間，但邨內籃球場及羽毛球場在入夜後均「有得睇冇得用」，不滿領匯浪費資源。
此外，阿明指球場必須通過停車場前往，但發現多條通道均被領匯以鐵鏈鎖上，每次皆要折返停車場內「搵路」，「得番兩個出入口上球場，我兜咗好耐先搵到，個場晏晝都未閂，點解要鎖住其他出入口？」
未有考慮用家實際需要
本報將啟業停車場天台露天及有蓋運動場開放時間問題向領匯反映後，領匯發言人即時轉軚，指經考慮實際使用量後，已將球場的開放時間調節為早上九時正至晚上九時，而開放期間，前往運動場的通道均會開放。發言人又重申，場地照明系統運作正常，如居民須於晚上六時至九時使用場地，可預先聯絡商場辦事處開啟照明系統。
觀塘區議會房屋事務委員會主席柯創盛批評領匯限制場地開放時間並不合理，認為領匯未有從用家角度考慮實際需要，「呢個係畀市民做運動嘅公眾地方，咁早就閂完全唔合理，朝九晚六，你話有幾多人可以用到個場？」柯更指倘場地過早關閉令居民無法享用設施，則會變相浪費場地，無法地盡其用。
「佢哋好明顯係為咗慳錢先定個咁奇怪嘅開放時間！」領匯監察主席陳寶瑩直斥領匯完全忽視居民需要，只為削減管理成本。陳又指居民享用屋邨康體設施乃基本權利，直指領匯做法毫無理據，故一經傳媒查詢，便迅速延長開放時間，反映領匯「無私顯見私」。
記者：林永發