之前我哋收到鄉民來電，形容爭取新界村屋僭建合法化工作關注組發言人嘅屯門鄉事委員會主席何君堯（Junius）係「新界洪秀全」，大讚佢熱心維護新界人權益。
不過，事後Junius就話自己絕對唔係乜嘢「新界洪秀全」，只希望透過遊行表達訴求，強調一切要循法律途徑解決問題。
Junius話，洪秀全當年係起義對抗滿清政府，而且失敗收場，所以用嚟形容佢絕對唔合適，加上關注組並非起義，只係透過遊行表達訴求，亦唔會叫遊行人士揮動港英旗幟，總之一切村屋僭建問題要循法律途徑解決。
對於為何有鄉民咁樣形容佢，Junius就話可能係鄉民太過熱心喎！