現年五十七歲的鄭女士需定期前往醫院覆診，因行動不便，早前獲香港家庭福利會社工指導申請易達巴士服務，以便往來住所及醫院。不過，鄭提出申請後卻被指未滿六十歲，不符合申請資格。「明知我唔夠資格，就唔好叫我申請，真係搵嚟搞！」鄭不滿有關社福機構職員處事草率，「亂點一通」。
有關機構發言人承認，社工建議申請時並未核實鄭女士的年齡，最終因未符申請資格致申請被拒。發言人指機構方面已就事件向鄭女士致歉，另會提醒有關員工日後須核實相關資料才作進一步轉介，以免對服務使用者造成不便。而就鄭女士的個案，社工將繼續跟進及制訂服務計劃，提供支援。
「點可以咁烏龍？連人哋未夠年齡呢啲咁基本嘅嘢都搞唔清楚，真係好離譜！」鄭女士希望有關機構加強監管前線員工，為服務使用者提供適切協助。