港鐵上水站滲漏滴到一地水
車站月台滲漏多時，港鐵被指無視乘客安全！ 楊先生日前於上水站候車前往紅磡期間衣服遭水滴濺濕，抬頭細望下才發現月台有喉管滲漏，地上更有一攤積水，「滴到一地都係水，職員唔清理不特止，漏水個位仲冇擺告示，跣親就大件事！」
港鐵發言人指出，根據車站記錄，該站早前發現有一條食水管出現滲漏引致滴水，強調車站職員已即時關掉水掣及進行維修，並清理有關位置，避免對乘客造成不便。
「如果有即時處理就唔會滴到成地都係水啦，仲連塊『小心地滑』嘅牌都冇，有人跣低就可大可小！」楊先生堅稱當日未見有職員即時處理滲漏問題，坦言對港鐵的回應大感不滿，要求港鐵須認真檢討事件以保障乘客安全。