面對不斷飆升嘅樓市，港府上星期實施咗「加強版」額外印花稅及買家印花稅呢兩大招，去減低短線炒家及非香港永久居民嘅入市意欲。財政司司長曾俊華尋日再喺佢網誌上話，留意到寫字樓、商舖同工廈嘅價格有唔少升幅，所以如有需要，唔排除會推出措施去防範資金氾濫造成嘅非住宅樓宇市場泡沫。莫非曾俊華滅泡滅上癮？不過，佢仲話呢啲政策嘅前提，係要喺維持經濟金融穩定、保障民生，以及維護香港自由市場同優良營商環境之間取得適當平衡喎。
