新政府面對重重困難，除咗被指有利益團體喺背後攪局外，港區全國人大代表譚惠珠尋日亦話，現屆政府有目標、有能力、有決心，但就缺乏「和聲」支持。珠姐不點名批評話，有人早前未委任入行政會議前就左搖右擺，冇出來「正義捍衞」政府，但好彩呢個人近日入咗行會後識得自我調整。珠姐仲話，希望明年初人大代表同政協委員選出後，多為政府「和聲」。究竟珠姐暗批緊邊個，相信大家心中有數喇。
