長者生活津貼計劃由民生議題演變成政治議題，不理民間疾苦嘅泛民議員堅決反對到底，就連一向重民生嘅工聯會都竟然同泛民為伍，令四十萬長者因此而少咗一個月津貼。工聯會立法會議員陳婉嫻今次企得咁硬唔支持政府嘅原計劃，據聞令該會嘅區議員日日收到唔少長者投訴電話，尋日仲有成員因為計劃未能喺上月通過而想退會添，名副其實係火燒後欄。睇嚟工聯會今次真係兩頭唔到岸，萬一處理失當，隨時玩火自焚，得不償失。
