探射燈：長者謬誤：一戒煙就死
不少退休長者吸煙多年，每當被勸說戒煙，均以「老人家一戒煙就死」作推搪，而當中經濟欠佳者往往會像楊伯般因貪平，鋌而走險轉食私煙。身兼戒煙之友協會主席的家庭醫生關嘉美表示，心理因素是長者未能成功戒煙的一大阻礙。
長者害怕戒煙過程辛苦
關嘉美表示，不少長者都會為戒煙找藉口，「好多時佢哋會同你講，『老人家一戒煙就死』，但其實講法根本一啲科學根據都冇。啲長者喺戒煙後好快死，係因為佢哋已經食咗好多年，被尼古丁損害身體得太勁。但只要你諗下食煙同飲山埃一樣咁毒，就有勇氣走出第一步！」
她又補充指，有些長者害怕戒煙過程辛苦，認為「反正都冇幾多年，無謂咁辛苦。」但她指出，在醫生及藥物的協助下，戒煙並不辛苦，而且長者雖然年老，亦可以好好享受生活及家庭，不應輕言放棄。
