壓抑炒樓新招出爐即打殘樓市，昨日整體交投淡靜，前景不明朗下業主買家反應各異，有地產代理透露有業主擔心樓市下滑，「封盤變放售，放盤則減價求售」，但亦有業主預計盤源大減，反而更為看好後市，加價封盤。九龍灣德福花園一個中小型單位昨卻創新高成交，有資深地產代理直言，這種混亂狀況，入行多年來也未見過。
「世紀21日昇地產」高級營業董事馮耀邦稱，前日新措施出台後，有在上周初已睇中一個北角區約八百萬元單位的內地買家，原打算「扑錘」買樓，昨日決定延遲計劃。有本港業擔心樓市下跌，部分正放盤的本港業主計劃減價求售，亦有早前因樓價上升而封盤的業主態度突變，急急放售單位，估計影響總盤源的半成至一成。
香港置業助理營業經理朱永健指出，昨日來港睇樓的內地客至少下跌兩成，不少業主亦態度軟化，叫價「冇以前企咁硬」。
不過，昨日仍有不少另類情況，中原分區營業經理朱錫銘稱，將軍澳區業主沒有被嚇窒之餘，更竟然有一半放盤業主反價，加幅達兩至三成，因業主認為長遠二手市場放盤少，用家要搶貨，故睇好後市。
九龍灣德福花園市場混亂下錄創新高成交，一個六百多呎單位昨以呎價約近九千元成交，創屋苑成交價及呎價新高。
本報記者