雜物通宵放天橋食署懶理
行人天橋被用作儲物區，食物環境衞生署被指「唔踢唔郁」！陸女士發現，不時有電訊商將宣傳品通宵擺放於來往港鐵紅磡站及紅菱街的行人天橋上，「每逢星期六、日都會擺通宵，食環署又冇人嚟巡，啲人好似『攞正牌』咁擺晒啲嘢喺度！」
食環署發言人證實，職員於上址巡查時，發現有雜物擺放於行人天橋上，隨即向物主發出「移走障礙物通知書」，再覆查時雜物已被移走。發言人又補充，該署由今年初至今，共於上址發出兩張有關通知書並移走七件物品，會繼續留意上址情況，及採取適當行動。
「次次都係要有人投訴先肯做嘢，點解食環署唔可以主動啲、積極啲執法？」陸女士認為食環署執法數字極低，無法打擊違規行為，並要求加重罰則及加密巡察，以收阻嚇作用，杜絕違規情況。