探射燈：家長的疑惑：營養太好 牙齒生得大
網上不少家長對愈來愈多小童需要箍牙感到疑惑。「係咪依家啲細路鈣質吸收得好啲，啲牙好大隻唔夠位生？」「囡囡口腔細，唔夠位生牙！」在網上討論區，不少家長均談論有關子女的牙齒問題，懷疑是否因現在小孩吸收太多營養，令牙齒愈生愈大隻。
醫生指現代人顎骨退化
有牙科專家表示，未有科學文獻證實營養好會令牙齒變大，「醫學報告證明，現代人顎骨愈見退化，令長牙空間不足，擠迫愈見明顯，牙齒生長整齊嘅可能性因而變低。」
專家指出，若小童遺傳家族「天生大牙」等因素，更容易造成「爆牙」等牙齒不齊的情況，令兒童箍牙比例增加。
專家提醒家長，小童乳齒的衞生護理不當，會增加「哨牙」風險，「如果小朋友乳齒未到自然脫落，就已經甩咗，到咗恒齒生嘅時候，就會好容易將啲牙推咗去前面生，增加牙齒唔齊嘅風險。」她強調要注意小童牙齒衞生，亦要戒掉咬手指的陋習。