探射燈：懲教員當頭棒喝 變監獄模範生

對劉來說，入獄初期最難度過的，是在荔枝角收押所的頭幾天，「初初喺荔枝角，我大喊過幾次……曾經寫咗十幾個形容詞，去形容自己心情，好似唏噓、忐忑咁。」

不過，劉很慶幸遇上貴人，「當時有一位姓劉嘅懲教署人員同我講，『你唔好諗外面嘅生活，出面世界唔屬於你o架喇，你無謂留戀。依家嘅環境都改變唔到，你倒不如適應吓，自己遷就番個環境。』」對方的說話有如金句，當頭棒喝，令他開始嘗試適應獄中的生活。

劉公子表示學懂珍惜，故在普通餐廳用膳亦不介意。

劉公子十分珍惜與母親的關係，回家時順便買外賣「加餸」。

娛圈朋友致信鼓勵

如是者，劉定成每早禱告後，便寫信、寫日記、睇報紙，晚上聽收音機，慢慢適應獄中生活。劉表示今次經歷，最令他體會到患難見真情，「家人、朋友一直都寄信畀我，當中不少係娛樂圈嘅朋友，佢哋喺信度叫我加油，又話我係善解人意嘅人，好尊敬我，令我好感動。」

此外，劉在獄中對懲教署人員十分尊重，更被他們視為監獄的模範生，而他離開監獄後，亦特意買感謝卡寄給懲教署人員，以示感激。