近日新界丁權再成為熱門話題，有建議認為政府可考慮以多層房屋交換丁權，以長遠解決不斷累積嘅丁權問題。爭取新界村屋僭建合法化工作關注組發言人何君堯話，喺原居民實質基本權益不受損嘅情況下，歡迎政府提出改善輪候興建丁屋嘅建議，例如採用大膽新穎嘅丁屋設計。究竟丁屋設計可以有幾咁大膽同新穎呢？如果真係向高樓發展，相信一般每層樓最多交換到兩個丁權申請，短時間內實在難以解決過去嘅積累申請。
