忌廉哥fb廣告照型爆
【本報訊】人氣爆燈的「尖東忌廉哥」拍廣告，獲日本相機品牌青睞，替牠拍了一輯靚相放上facebook，相中忌廉哥戴了波點煲呔或打領呔，兩款造型醒目可愛，昨晚有二千六百多人讚好，大讚「好靚仔！」而忌廉哥的facebook專頁，粉絲人數突破三萬大關。
三萬粉絲勁讚
忌廉哥昨在其facebook專頁上載一輯九張相，表情多多十分趣怪，有些眼仔睩睩、有伸出舌頭、有瞇眼、有睡姿。貓主高先生說，該輯相攝於個多星期前，是日本相機品牌Nikon派人到報紙檔拍下，放上Nikon的facebook宣傳其新相機。高先生指雖然不算是正式廣告，但Nikon稱會給他一千元買貓糧給忌廉哥，並有一部相機讓他為忌廉哥拍照上載facebook，但至今未收到這些報酬。
忌廉哥facebook專頁粉絲人數已突破三萬，眾人紛紛留言讚好：「英俊哥，可唔可以唔好咁型仔丫？」、「忌廉哥你的笑相好英，好型！」、「忌廉哥係香港貓界代表，拍廣告EC執啦……之後電影、雜誌都係你。」、「下一世我要忌廉哥做我男朋友！」高先生說忌廉哥成名後很多人找牠拍廣告，例如車行要求他抱忌廉哥去試車，但他擔心忌廉哥太辛苦故拒絕。此外亦不時有人前來替牠拍照放上其facebook專頁，例如「屈臣氏妹妹」。