新民黨主席葉劉淑儀因支持國民教育畀人鬧「×街」，前日突喺訪問引述該粗口兩次惹來回響，葉太尋日終喺社交網站致歉，形容自己係「真情流露，一時口快」，又話經過四年議會生涯同多次選舉洗禮，呢啲通俗用詞實在聽得太多「有點麻木」，之後更拉埋其他議員落水，指有議員喺議事廳曾將呢個俗語演繹成普通話嘅「不該」，令人忍俊不禁喎。葉太從政已經係千錘百煉，竟然都有講錯嘢要道歉收番嘅時候。
