港府要落實推行長者生活津貼，先要得到立法會撥款。不過有政黨要求取消資產申報制度，港府同市民講道理唔讓步。就好似尋日咁，除咗政府多名官員話制度同申報資產限額已經好寬鬆外，行政會議召集人林煥光亦表明，政府判斷嘅資產申報數字係根據目前標準而做，唔可以貿然因為政治要求而去改變，佢仲希望社會可以行咗呢一步先。唔知啲政黨肯唔肯行咗呢步先呢？
