幼兒暫託難家長叫慘
全港雙職家長不計其數，幼兒暫託服務需求長期殷切，惟社會福利署轄下的暫託幼兒名額卻未能滿足需求。有家長因事急需使用服務，遍尋區內就近的幼兒中心亦無法覓得暫託名額，不滿政府未能提供足夠的暫託幼兒服務。社工直指現有服務時間及預約制度未能切合使用者需要，有檢討空間；關注團體則要求政府增加服務名額及加強宣傳，令更多家庭能夠受惠。
梁小姐與丈夫同屬上班一族，一對分別四歲及兩歲半的子女皆交由梁母在日間代為照顧。惟自梁母早前突然離世後，梁與丈夫即為子女照顧問題張羅，「我哋喺港島返工，返到屯門已經好夜，收入又掹掹緊唔可以辭職，更加唔好講請工人！」期間梁擬申請就近幼兒中心暫託服務，發現全告滿額，「一間學校得嗰幾個位，一個月前book（預約）都冇，有啲仲要話暑假唔開！」
記者曾向屯門區提供暫託幼兒服務的機構了解，大部分均已額滿，部分則於個別日期有機會騰出名額，但家長須於最少一個月前報名。
全港只得383個暫託位
「成日有家長搵唔到暫託位，甚至小朋友讀嘅幼稚園都冇暫託服務！」在屯門區任職家庭及兒童服務的社工劉慶珠指出，區內幼兒暫託服務早已供不應求，加上屯門離市區較遠，服務時間亦未能符合家庭需要，「啲家長收工返屋企都要時間，所以通常黃昏五點到七點呢啲鐘數最有需要，但位都係得咁多，仲要一個月之前約，真係爭崩頭！」劉建議當局檢討現行制度，靈活加配暫託名額，並加強相關宣傳，「好多家長就算想搵人幫都唔知點做，完全冇渠道攞到服務資訊！」
社署發言人指出，現時全港有三百八十三個暫託幼兒服務名額，上一個財政年度的使用率逾六成。至於屯門區名額有三十八個，使用率達七成。發言人稱，每間提供服務的中心均有一至三個名額，供家長應付突發需要，暑假期間不會減少名額。另外，該署於○八年推出鄰里支援幼兒照顧計劃（又稱社區保姆計劃），全港有最少七百二十個服務名額，由社區保母在家中照顧六歲以下幼兒，以應付需求。
社區組織冀政府增資源
香港社區組織協會幹事施麗珊要求政府增加幼兒暫託名額，令更多基層家庭受惠，「全港得三百幾個位真係好唔夠，呢幾年亦唔覺政府有意喺呢方面增加資源！」施又指現時暫託服務的收費水平仍屬偏高，認為可調低申請全費豁免的門檻，讓更多基層家庭能夠負擔費用。
記者：陳倩儀