中環出更：彭徐美雲煮愛心大餐？
靚太彭徐美雲（Josephine）自擔任女童軍香港總監之後好勤力，不過要做好佢嘅工作，相信仲要保持心境年輕都好重要。卓妮日前見到Josephine現身中環太子大廈，佢喺等候私人座駕期間，不經意拎咗部智能手機出嚟睇，咦？原來佢用緊憤怒鳥（Angry Bird）手機保護殼，認真童心未泯。
早前一日黃昏，Josephine拎住兩個紙袋由太子大廈走出嚟，睇嚟剛剛去咗購物，佢拎住其中一個「Oliver's」超市紙袋，唔知係咪去咗買餸，打算當晚煮番餐愛心飯畀老公彭曉明同囝囝彭穎生食呢？卓妮見Josephine候車期間露出疲態，不時用手錘打吓膊頭，可能平時工作太忙，搞到頸梗膊痛。約五分鐘後，七人座駕終於到，Josephine登車離開。