行車線違泊嚴重 警方被指懶執法
行車線充斥違泊車輛，警方被指疏於執法！沙田橫壆街屬三線行車道路，惟沙田中心對出的右線卻不時有違泊車輛，更有貨車上落貨物，「好多車喺沙田正街同担杆蒲街轉入嚟，但係快線就成日有車停晒喺度，一轉彎想停都停唔切！」李小姐不滿警方未有嚴厲執法，令違泊問題持續多時仍未解決，且有愈加猖獗之勢。
與運署各自為政
警方發言人表示，上址屬不准停車路段（時間由上午七時至由晚上七時）。由去年八月至今年八月期間共接獲十八宗有關上址違泊的投訴。過去一年，前線人員在上址共發出逾九十張車輛違例停泊告票。
「警方可以積極啲同運輸署溝通，唔好淨係抄牌，應該同運輸署一齊研究點改善。」沙田區議員鄧永昌狠批警方與運輸署各自為政，未有積極為市民解決問題。