政情：大舞台：為政策爭支持張建宗樂意送上門

長者生活津貼計劃資產審查爭議持續，但港府企硬暫無意作任何讓步，勞工及福利局局長張建宗更主動出擊約見各個黨派會面，尋日同民主黨會面後仲話，如果有需要到地區等更多人了解計劃，自己都好樂意走多幾步喎。張建宗瞓身搏命爭取各方支持，依家仲準備隨時「送外賣」去解釋，遲啲立法會財務委員會投票，就知道佢嘅「走多幾步」有幾多效力嘞。