港鐵車廂坐臥影響他人
張先生早前於下班繁忙時間乘搭港鐵前往尖沙咀，甫擠進車廂，即瞥見一名乘客旁若無人地坐在地上，令已極為狹小的空間更見擠迫，嚴重影響其他乘客，「佢擘開對腳坐不特止，仲將架手推車擺喺通道中間，塞實咗門口，離晒大譜！」
港鐵發言人表示，職員會不時巡視車站及列車，倘發現有關情況，會對有關乘客作出勸喻。發言人又呼籲乘客要顧及他人，避免阻塞通道或作出對其他乘客造成滋擾行為，包括不應在車廂內席地而坐，亦提醒相關做法或會因違反《港鐵附例》而被檢控。
「其實咁嘅情況都唔係第一次，根本冇職員巡車廂，（港鐵）真係要多啲留意吓！」張先生要求港鐵加派職員於列車及車站巡察，並考慮透過車廂廣播，勸喻乘客自律，確保其他乘客可享受舒適車程且不受滋擾。