電掣房外積水安全成疑
「道門寫住『危機』、『有電』，點解咁危險都唔去處理，如果漏電電死人或者大停電點算？」上水天平邨居民楊先生發現，天明樓地下總電掣房A門口近日經常出現大攤積水，懷疑由上層住戶冷氣機滴水所致，擔心積水會影響電掣房運作，甚至釀成意外。
該邨管理公司發言人承認，天明樓有單位冷氣機滴水，令總電掣房Ａ門前位置出現積水問題，但強調有關情況並不會影響電掣房的機械運作。發言人又指管業處已查出滴水源頭，並已通知有關方面盡快進行維修工作。
當區區議員柯倩儀批評管理公司處事敷衍，未有以居民利益為先，「電掣房呢啲關乎居民利益嘅設施，應該要好好保養，滴水亦唔係一朝一夕嘅事，管理公司發現問題就應該積極處理！」