中電及港燈正醞釀加價向市民開刀，環境局局長黃錦星尋日話，政府同兩電談判加價建議時，會嚴謹把關，亦會平衡社會各方利益，仲要根據同兩電訂立嘅利潤管制協議。其實講到底，政府同兩電傾電費，可以改變嘅空間唔大，黃局長加把勁，得益嘅係市民，不過千祈唔好提高晒市民嘅期望，搞到市民最終失望就得嘞。
