政情：姚思榮建制派人人老友

姚思榮話事關佢喺旅遊界打滾多年，同自由黨嘅前旅遊業議會主席何栢霆及旅議會總幹事董耀中等人老友鬼鬼，所以喺議會內都揀咗坐喺自由黨隔籬方便照應。而讀漢華中學嘅佢同師兄葉國謙相交多年，所以同民建聯都算係叫做有啲交情，再加上佢同金融界吳亮星、航運交通界易志明都係中國國家行政學院（香港）工商專業同學會校友，為免順得哥情失嫂意，咪邊個派別都唔入囉。

身為旅遊界議員，姚思榮上月同太太去杭州烏鎮個人遊兼踩雙人單車遊西湖。姚思榮話香港可參考引入單車租借服務，又諗可否由西環屋企踩單車返立會開會。