黃先生早前與妻子使用單程票乘搭港鐵，擬於東涌站D出口出閘時，所有閘機均不能使用單程票，即使客務中心職員亦未能協助解決，「老婆一拎張車飛出嚟，都未講咩事，個職員就拎咗張飛去（檢）查，仲用普通話講『沒問題』就算！」黃指當時有其他乘客告知有閘機經常損壞，結果黃先生與妻子最終要使用其他出口離開，對港鐵服務極為不滿。
港鐵發言人證實，當日有乘客向客務中心查詢，表示未能使用單程票於D出口出閘，職員隨即檢查有關車票，證實車票正常，遂指示乘客使用其他閘機，並即時安排另一名職員檢查閘機，發現有車票卡在其中一部閘機內，已即時處理。發言人又稱，有關出入口閘機並無故障報告，亦未曾接獲相關查詢。
「試足咁多部閘機都唔得，唔會部部都畀啲飛塞住呀？」黃直指當時未見有職員檢查閘機，對港鐵回覆大表質疑，「嗰日其他乘客都講嗰度啲閘機成日壞，（港鐵）居然話冇報告同查詢數字，真係難令人信服！」