二手煙擾民 控煙辦懶巡
「公園成日咁多老人家喺度傾計，周不時有啲二手煙飄埋嚟，真係好難頂！」梁伯習慣午膳後到旺角洗衣街公園與一眾「老友記」談天說地，惟常遭二手煙滋擾，質疑衞生署轄下控煙辦公室巡查不足，有變相縱容違例者之嫌。
當區區議員仇振輝亦認為，要打擊公園違規吸煙，當局必須加派人手巡查，才能還使用者一個舒適的休憩地方，「公園冇管理員，控煙辦嘅巡查又少，結果咪成日有人偷偷地喺公園食煙囉！」
控煙辦發言人表示，上述公園於過去一年接獲十六宗違例吸煙投訴，共二十四次派員進行突擊巡查，期間對九名違例吸煙人士作出票控，強調會繼續進行巡查，以改善違例吸煙的情況。