水貨客擾民等中港矛盾事件，加上早排嘅「國民教育」風波，令到香港出現所謂「去中國化」嘅問題。全國政協委員劉夢熊尋日喺電台話，你可以唔認同內地嘅執政黨，但絕對唔可以否定自己中國人嘅身份，又話如果由佢教國民教育的話，絕對唔會斷章取義，而且國民教育好多元，手法可以好多，好似著名抗金名將岳飛嘅阿媽，喺個仔背脊刺上精忠報國四個字都係國民教育，希望大家全面咁認識呢個科目喎！
