政情:CY引金句「港人唔怕政府」

特首梁振英(CY)政府上任近三個月,外間不時對政府提出嘅政策質疑責難,CY為引證港人不怕政府,不惜引用有人曾講過「怕老婆,不怕政府」嘅金句做例子。CY作為香港嘅第一把手,希望團結各界齊心信任政府,佢認真奇招盡出。

CY尋日出席一個論壇時話,回歸前曾有立法局議員,提出香港呢個地方嘅自由,可用「怕老婆,也不必怕政府」來說明,事實證明香港回歸後自由度冇變,因為只要問問今日在座嘅香港男士們,都可以向外地朋友說明,港人繼續係「怕老婆,不怕政府」。

CY又提及,港府經常畀香港市民同企業告到法庭去,「打了不少,輸了不少」,也說明「不怕政府」,而且司法機關完全獨立喎。

另外,CY尋日出席論壇前有小插曲,話說負責呢次論壇嘅主辦單位,原本安排咗半個小時,畀台灣記者向CY提問,點知有台灣記者話「貨不對辦」,最後只有交換卡片同合照環節,感覺畀人呃咗喎。特首辦就回應話,CY公務繁忙,未能接受提問,已書面回覆台灣記者嘅提問。

第一手消息請下載on.cc東方互動iPhone/iPad/Android/Windows Phone Apps