小巴缺班次 返工排長龍
行走元朗至西鐵朗屏站的73號專線小巴幾為崇山新村對外的唯一公共交通工具，惟近年隨着居民人數日增，小巴班次早已不勝負荷。「呢度冇紅Van、又冇巴士，連的士站都冇，朝早喺總站都要等幾部小巴先上到車！」黃先生直言班次嚴重不足，早上繁忙時間多因小巴爆滿、候車乘客無法登車而大排長龍。
運輸署發言人指出，包括去年增購的一輛小巴，現時有關路線有七部小巴行走，承辦商亦已於繁忙時段額外調配小巴加密班次。發言人承認，繁忙時段有乘客於中途站未能登車，已要求營辦商於資源許可下靈活調配班次，以配合乘客需求。
「同《東方日報》投訴完，朝早返工個班次真係密咗！」黃先生指早上情況雖有改善，但放工繁忙時間，由元朗市返村的班次仍不足，望當局可繼續跟進。