立法會議員梁國雄（長毛）與七名社運人士喺去年七一遊行後，晚上喺中環協助組織及參與非法集會，尋日被判罰款了事。長毛向法官求情期間，理直氣壯大鬧貪曾曾蔭權傲慢，竟然唔准幾百人嘅集會，又諷刺貪曾唔肯接見示威者，係咪太忙要去食鮑魚喎。長毛識得用「食鮑魚」去寸爆貪曾，證明貪曾貪盡海陸空款待嘅醜聞已經深入民心，可惜執法機構至今依然懶懶閒當冇事發生，莫非想斷送香港嘅廉潔？
