「無咁嘅知識 唔好累人累物」
「嗰晚佢突然間話『好想媽媽攬吓我』，我就成晚攬住佢睇電視睇到半夜三點幾，佢仲叫我攬住佢瞓……點知第二朝佢瞓響張床度凍晒無反應……」焯思去世前一晚似有感應，整晚纏着母親，黃母潘女士對女兒猝逝至今未能釋懷，除自責未及時發現女兒病發，庭上見到屯門醫院嘅醫生時亦激動不已，指摘他們：「你哋無咁嘅知識，就唔好響度累人累物！」
「媽咪，醫生話我無事呀！」
潘女士回想焯思生前點滴，說她喜愛運動，擅長籃球排球還會推鉛球，「佢樣樣都攞牌o架」，除事發前患過重感冒外，就一直身體健康。惟去年四月，焯思在廚房煮米粉吃時突然暈倒，排街症時再暈，才會被送入急症室。
她憶述五月十九日焯思覆診完畢之情況，透露焯思還即時打電話歡天喜地跟她說：「媽咪，醫生話我無事呀！」焯思回家吃過最愛的米粉後，便小睡一會，再如常地睇電視、上網及跟同學傾電話。
女兒的生命在身邊悄悄溜走，潘女士自責地哭說，雖翌日要上學，但當晚焯思怎也不肯去睡，還撒嬌要媽媽抱着看電視到半夜，在父親催逼下，她才肯上床，「佢叫我攬住佢瞓，但我唔肯，我仲話媽媽咁大份會好逼，只肯『打地鋪』瞓響佢旁邊，點知第朝爸爸叫佢唔醒，我起身見到佢凍冰冰瞓響度，張床仲濕晒，我慌失失仲同佢搽白花油呀，佢爸爸驚到打電話都撳唔到999」。
記者陳佩詩