探射燈：植物含毒自我保護
植物的汁液含毒或具刺激性，原來與自我保護有關。香港大學地理系講座教授詹志勇解釋，植物含有毒性是在自然界競爭下的自我保護機制，「植物喺地球生存咗幾億年，一向有佢哋嘅天敵，好似昆蟲、細菌、真菌等，所以或多或少都會有啲毒性，唔會輕易被蠶食。」詹稱，植物會用盡方法逃避獵食者的吞食，而獵食者亦「見招拆招」，演變成進化鬥爭的過程，「有啲植物嘅樹葉裏面，會藏有矽土，磨蝕牛羊嘅牙。」
詹指，即使是供食用的蔬菜，早期亦含有毒素，經過人類不斷的配種、純化等漫長過程，才變得適合食用，「就算唔係有毒，都會又苦又硬。」不過，詹強調，植物與動物不同，含劇毒的花草色彩不會特別鮮艷，市民應不要胡亂把植物放入口中。