「賠償合理 祠堂亦可送政府」

上水、打鼓嶺、粉嶺及沙頭角鄉事委員會昨早舉行諮詢會，規劃署及土木工程拓展署官員到場聽取意見，約六十名村民出席。侯志強說，若有原區安置及合理賠償，不設資產審查，他支持新界東北發展計劃。他又批評部分反對發展的人是別有用心，「有啲人係霸權主義，霸住啲土地，之後等搬遷上樓。」

不發動村民出席論壇

侯志強表示，今日會到論壇湊熱鬧，但不會發動村民到場，村民自發參與亦無不可。他說：「唔係人多就得，發動多人又點呢？佢哋（反對發展的人）好多都唔係村民，只係網民，希望佢哋唔好渾水摸魚。」

天平山村村民廖健文稱：「我唔反對發展，但係發展過程中應該善待受影響村民。以前條村冇乜人住，近排多咗咁多人，根本係種釘，佢哋將荒廢嘅雞棚、養魚房改成寮屋出租，或者賣出去，先變咗咁多村民喺度，仲代表埋我發言，掩蓋晒我啲訴求！」

規劃署高級規劃師張綺薇表示已聽取村民意見，會仔細考慮。