政情：大舞台：陳智思入行會要啱嘴形

之前有立法會議員認為行政會議應吸納唔同嘅黨派成員加入，行會成員陳智思（Bernard）尋日出席一個午餐會時話，政府係咪要吸納唔同黨派成員加入行會，呢個係雙向嘅選擇，要視乎人選係咪同政府有相同理念，簡單啲講，即係要大家啱嘴形先至傾得埋囉！其實佢咁講都有道理，如果大家嘅理念唔相同，入到行會只會嗌交多過理性討論，如果唔認同啲政策，亦唔會幫手推銷。